Ona certa età

A ona certa età

quanti robb a gh'è negaa:

bisogna mangià pocch,

bisogna rispettà

tucc i sugeriment che dà el dottor.

Sta attenti al coeur,

fa minga tanti sforz.

Bev minga de caffè

se te voeuret dormì la nott.

(Perché de nott se dorma

e se fà pù l'amor)

Te devett contentass de rigordà.

Però la vita l'è bella istess,

basta tirà a campa con sentiment.

Va beh, ghe sarà minga pù l'ardor,

ma in del passa del temp resta l'amor!

Giugno 1989